2 февральыште Йошкар-Олаште Калык-влакын келшымаш пӧртыштышт «Колесо дружбы» выставке проект почылтын.
Тушто 39 тӱрлӧ калык гыч лекше 100 утла сӱретчын усталык пашаже ончыкталтеш. Тиде проект арт-симпозиум да пленэр-влак негызеш чумыралтын. Тудым Татарстан Республикысе Алабога оласе историй-архитектур да художественный музей-заповедник ынде ятыр ий эртара.
Выставкыште ончыкталтше паша-шамычым тӱрлӧ технике дене ыштыме да тӱрлӧ калыкын пайремжым, йӱлажым почын пуат.
Тиде проект элла да олала мучко коштеш. Тений Марий Эл марте толын шуын. Вет тыште 100 утла тӱрлӧ калык ила.
