Кундемыштына Марий Элым Вуйлатышын ситуационный рӱдерже пашам ышташ тӱҥалын. Тудым Ю.Зайцев шкеак почын.
У рӱдер Россий Президент В.Путинын кӱштымыж почеш илышыш шыҥдаралтын. Тудо социально-экономический, общественно-политический да моло сферысе йодыш-влак шотышто кӱлеш решенийым писын рашемдаш ышталтын. Рӱдер кызытсе илышлан келыштаралтше информационно-аналитический системе гай, тудым федеральный информационный ресурс-влак дене ушымо. Тыгак тушко национальный проект-шамыч вӱдымӧ системым пуртымо.
Фото: Марий Элым Вуйлатышын пресс-службыжо.