Японийысе Сендай олаште киокушин кайкан каратэ дене тӱнямбал чемпионат лийын. Российын чапшым элнан сборный командыж дене пырля Марий Элысе спортсмен-влакат араленыт.
Лектыш моткоч куанадарыше. Сергей Заньков – тӱнямбалын ик эн тале кредалшыже лӱмым ты таҥасымашыште эше ик гана пеҥгыдмеден. Кугурак дивизионын абсолютный категорийыштыже чемпион лийын. Артём Гиносян – стандартный дивизионын абсолютный категорийыштыже шӧртньым налын. Тудо Всестилевой каратэ дене Марий Элысе Федерацийын тӱҥ тренерже. Тыгак элнан сборный командыштыже кундемна гыч Илья Иванов, Егор Голдырев, Максим Коногоров, Денис Краснов лийыныт. Нуно элнан командыжлан сай лектышыш шуаш кугу надырым ыштеныт.