Ты арнян 50 ийыш тошкалше сӱретче Геннадий Петухов марий калыкым уло тӱнялан сӧралын палдарымыж дене ойыртемалтеш. Шонанпыл гай волгыдо тӱсан марий пайрем-влакым але ончыктен пытарымыжла ок чуч.
Идалык тӱҥалтыште сӱретче Г.Петуховлан изосымыктышыште кӱкшытыш шумыжлан А.В.Григорьев лӱмеш Марий Элын кугыжаныш премийжым кучыктеныт. Тудо «Утка» да «Пеледыш пайрем» триптихшылан («Марла гармонь», «Шӱвыр», «Тӱмыр») пуалтын.
Сӱрет тӱняшке – корно
Карандаш да тӱрлӧ тӱсан чия дене сӱретлаш Г.Петухов изиж годымак йӧратен. Йоча жапше Семёновка селаште эртен. Марий Элысе уста йоча-влаклан школ-интернатыш тунемаш пураш вараш кодын гынат, 10 ияшыж годсек урок деч вара Йошкар-Оласе 1-ше №-ан художественный школыш кудалыштын. Аваже, йочаже яра ынже шинче да эре уремыш ынже куржтал манын, рулон дене кагазым сӱретлаш кондеден. Вет Генан изаже, 11 ияшыж годым левашыште модшыжла, пожарым ыштен, тыге пӧртышт йӱлен. Тунам шольыжо кок ияш лийын. Ешлан жаплан илаш баракым пуэныт, а вара Петуховмыт олашке кусненыт.
ХУДОЖНИК деке
УНАЛА миен КОШТМО почеш ВОЗАЛТШЕ материалым
25 февральысе «КУГАРНЯ» газетыште ЛУДАШ темлена.
