Республикым пеҥгыдын вияҥдымаште «Эффективная и конкурентная экономика» нацпроект ик эн рӱдӧ проектлан шотлалтеш. Кугыжаныш полыш бизнесмен-шамычлан кызытсе жаплан келшыше оборудованийым налаш, цифровизацийым шыҥдараш, паша процессым уэмдаш, производствым шукемдаш да у кӱкшытыш шуаш корным почеш.
Тений 1 сентябрь марте «Малое и среднее предпринимательство и поддержка индивидуальной предпринимательской инициативы» федеральный проект почеш палемдыме мероприятий-влакым тӱрыснек шуктымо да тидлан оксам тичмашнек ойырымо – 22 млн утла теҥгем.
Бизнесыште ты инвестиций 2030 ий марте кок тӱҥ цельыш шуаш полшышаш:
- изи да кокла бизнесысе пашаеҥын парышыже элнан валовый внтуренний продуктшо (ВВП) деч 1,2 пачаш кугемшаш;
- компаний-влакын качествышт саемшаш: предприятий-влак кӱкшырак категорийыш куснышт манын, полыш пуаштеш, мутлан, микробизнес гыч изи бизнесыш савыраш, изи гыч кокла кӱкшытыш лекташ.
Шукерте огыл Марий Элысе промышленность, экономике вияҥмаш да торговльо министерстве «Мой бизнес» рӱдер дене пырля тиде лектышым иктешлен. Амалкалче-влаклан ты сомыллан 257,7 млн теҥге микрозаймым пуымо. Рӱдерын полшымыж дене бизнеслан 517 млн теҥге кредитым налыныт. 310 утла еҥ шке пашам почмо шотышто «Мой бизнес» рӱдерыш консультацийыш толын.
Амалкалче-шамыч у паша верым почышт да пашаеҥыштлан пашадарым кугемдышт манын, Марий Эл Правительстве кӱлеш йӧным ышта.
Марий Элым Вуйлатышын пресс-службыжын фотожо.