6 апрельыште С.Чавайн лӱмеш книгагудышто Марий Эл Республикысе сымыктышын сулло пашаеҥже, поэтессе Альбертина Иванова дене вашлиймаш эртаралтын.
Сылнымут унагудым Республикысе марий тувыра рӱдерын пашаеҥже, марий калык поэт Геннадий Сабанцев вӱден.
«Республикысе марий тувыра рӱдер писатель-влак дене пырля «Сылнымут алан» у проектым тӱҥалеш. Арнялан ик гана республикыште илыше поэт да писатель-влак дене книгагудышто вашлийын, возышо-влакын усталыкышт, илыш-корнышт дене палыме лийына, произведенийыштым лудына. Каласен кодыман, тыгай вашлиймаш ончычат лийыныт, но нуным ме тылзылан але кварталлан ик гана эртаренна. Кызыт калыкын тӱткышыштым утларак уста возышо-шамыч деке, мотор марий йылме деке савырыме шуэш», — каласыш Марий тӱвыра рӱдерын вуйлатышыже, пректым виктарен шогышо Наталья Пушкина.
