Пеледыш аршаш кумылым нӧлта, пӧрт мучко тампле пушым шара, тыгак пӧлемлан ойыртемалтше тӱсым пуа. Пӱчмӧ пеледыш шке моторлыкшо дене утларак куандарыже манын, теве мом шуктен шогыман:
- Пеледыш вургым 45-90 градус коклаште пӱчкаш кӱлеш. Тиде пӱчкыш вӱдым шупшылаш сайын полша.
- Вурго ынже шӱй манын, вӱдышкӧ логалше лышташым кораҥдыман.
- Вазыште вӱд мыняр йӱштӧ, тунар сайрак. Вазыш вӱдым теменда гын, ийым ешарен кертыда.
- Вазым кажне кечын мушса, вӱдым вашталтыза.
- Вӱдыштӧ шогышо пеледыш аршашыш тура кечыйол да мардеж логалшаш огыл.