СВО участник-шамычлан мланде участкым пуат. Ойырымо мландым сад участке семын гына кучаш лиеш мо? СВО-што колышо еҥын ешыжлан мландым пуат мо? Тидлан кушко кайыман?
Людмила, Йошкар-Ола.
Марий Эл Республикысе Кугыжаныш пого министерстве вашешта:
Мланде участкым черет шот дене налаш права СВО-н боевой действий ветеранже удостоверениян кажне участникшын уло.
Тыгак полицийын специальный званийжым, Россий Герой лӱмым сулышо але специальный военный операцийыште лӱддымылыкым ончыктымылан Россий Федерацийын орденже-влак дене палемдалтше да боевой действийын ветеранже-влаклан шотлалтше еҥ-влаклан мланде участкым черет деч посна пуат.
Участкым пӧртым чоҥаш, шке озанлыкым але садпакчам кучаш налаш лиеш.
СВО-што колышо еҥын ешыжынат мланде участкылан праваже уло.
Районлаште, илыме верлан келшышын, верысе самоуправлений органлаште учётыш шогалтат. «ЙошкарОла» ола округышто илышевлак Марий Элысе Кугыжаныш пого министерствыш йодмашым возен кертыт.
Йодмашым «Госуслуги» портал гоч пуаш йӧнанрак, тыге кӱлеш информацийым писынрак пален налаш лиеш.
Кӱлеш документ-влак шотышто да моло йодышым республикысе Кугыжаныш пого министерствын официальный сайтыштыже министерствын пашаж нерген увер разделыште пален налаш лиеш.