Марий Элым Вуйлатыше Ю.Зайцев 8 Март пайрем деч ончыч СВО участник-влакын пелашышт да авашт дене вашлийын.
Кызыт «Кичиер» санаторийыште лач нунылан смене эрта. Тудо 4 март гыч 17 март марте шуйна. Тушто 200 ӱдырамашлан каныме, тазалыкым пеҥгыдемдыме да психологий полышым пуымо программе-влак почеш полыш пуалтеш.
Ю.Зайцев санаторийыште каныше да ӱдырамаш-влакым саламлен. А нуно военнослужащий-влак шотышто азапланымылан тауштеныт.
Д.Речкинын фотожо/Марий Элым Вуйлатышын пресс-службыжо.