9 апрельыште Марий Элым Вуйлатыше Ю.Зайцев СВО участник-влак да нунын ешышт дене вашлийын.
Вуйлатыше салтак-влакым тӱшка Сеҥымашыш надырым пыштымыштлан тауштен. Республикысе Правительствын спецоперацийын участникше да нунын ешыштлан полшымыж нерген ойлен.
Республикыштына СВО кайыме верыш посылке-влакым колтылшо волонтёрский штабым почмо. «Защитники Отечества» фонд тӱрлӧ пашам шукта. Поро кумылым ончыктышо фонд ышталтын. Тушко амалкалче, предприятий да тыглай еҥ-влак оксам колтат. Тиддене фронтлан кӱлешан стройматериалым, инструментым, радиостанцийым, квадрокоптерым, тепловизорым да молымат наледат.
Вашлиймаш годым Ю.Зайцев икмыняр еҥлан «Участнику Специальной военной операции на Украине» медальым кучыктен. С.Шучин, СВО-што Павел эргыже колымеке, спецоперацийыш 2022 ий кеҥежым каен да кызыт эргыжын служитлыме танковый батальонышто служитла. Андрей Бусыгинат СВО-ш 2022 ийыште шке кумылын каен, но чот сусырген, инвалидыш савырнен. Изак-шоляк Иван ден Вадим Жирновмыт Сирийыште да СВО-што служитленыт.
Варажым Марий Элым Вуйлатыше спецопераций участник-влакын йодышыштлан вашештен.