Марий Эл гыч улшо боец-влаклан Луганск да Донецк республиклаш, Херсон да Запорожский областьлаш 2 фуро (20 тонн дене) дене гуманитарный полышым колтымо.
Тушто ныл автомобиль (бронироватлыме УАЗ, «Нива», 2 УАЗ-»буханке), строительный инструмент, тепловизор, квадрокоптер-влак, пасушто илаш йӧнан лийже манын арвер-влак, вургем, личный гигиене средства, шапаш ужаш, тыгак родо-тукым да лишыл еҥ-влак деч посылке-влак.
Чыла коробкам маркироватлыме. Кид гыч кидыш пуа манын, кажнышкыже телефон номер-влакым ончыктымо. Военнослужащий-влак нуным икмыняр кече гыч налытат.
«Марий Элым Вуйлатыше Юрий Зайцевын кӱштымыж почеш черетан гуманитарный конвойым колтена. Тудым республикысе Правительствын ойырымо 12 миллион теҥге окса дене чумырымо, тыгак мер организаций-влак полшеныт», – палемден республикысе Правительстве Председательын алмаштышыже Степан Воронцов.
Марий Эл Республикым вуйлатышын администрацийжын информаций паша пӧлкажын уверже негызеш ямдылыме.
