Кодшо арнян Марий Турек посёлкышто В.П.Мосолов лӱмеш краеведческий тоштерыште опер мурызо, Марий Элын сулло да калык артисткыже Светлана Сушкина дене вашлиймаш лийын. Тушто артисткын сценыште выступатлыме костюмжо-влакым посна ончерыш чумыреныт. Тыгак ешысе, театр илышысе, тӱрлӧ тематический вашлиймашласе фотожо-влакым, газет лаштыклаште артистке нерген возымо статья-влакым, мурымым войзымо пластинке ден дискше-влакым ончыктымо. Вашлиймашым «Арбор вел» ансамбль, йоча сымыктыш школын туныктышыжо ден «Кантилена» мурышо коллективше сӧрастареныт.
Тоштерын сайтше гыч налме фото.