Импорт продукцийым алмашташ манын, Марий Элыште кызытсе жаплан келыштарыме кӱлешан сатум луктыт. Сату Россий мучко ужалымашке кая.
Марий машиностроительный завод ныл ий тӱрлӧ светильник-влакым луктеш: уремлан, офислан, теплицылан, промышленностьлан, универсальныйат улыт.
Эртыше ийын 26 тӱжем единицым луктыныт гын, тений 60 тӱжемым ышташ шонат. 2021 ийыште предприятийын лектышыже 130 млн теҥгеш шуын, а 2022 ий январь-мартыште — 150 миллион теҥге.