2 июньышто Сургут оласе университетын площадь ончылно «Соцветие» национальный культур ХХII фестиваль эртаралтын. Ты пайремыш «Марийцы Югры» ден «Мариий ушем» организаций-влакат ушненыт.
Ты гана фестивальыш 16 национальный-культурный объединений ден диаспора-влак лийыныт. Пайремым Карачаево-Чересский республике гыч толшо-влакын выступленийышт дене почыныт. Нуно шке тӱвырашт дене палдареныт. Тыгак фестиваль годым тӱрлӧ калык кочкышым темленыт.
– Ты фестиваль ий еда эртаралтеш. Тений тематикыже «Семейный альбом Сургута». Таклан огыл тыгай темым ойырен налме. 2019 ий – Юграште ешын идалыкше. 
Ме, марий-влак, ты фестивальыште 2009 ий годсек участвоватлена. «Соцветие» фестивальыш Сургутышто илыше тӱрлӧ калык-влакын еҥже-влак шке кудыштым ыштат. Тений ме марий тоштер сынан ыштенна. Толшо уна-влакым Кугче когыльо, мелна, пура дене сийленна. Тыгак кум творческий номерм ончыктенна. Мероприятий этно-дискотеке дене пытен. Тушто тӱрлӧ национальностян еҥ-влакын мурыштым муреныт, – палдарыш Сургут оласе «Марий ушем» организацийын председательже Раисия Сунгурова(фотошто пурлаште).