Сур шӱян лудо Изи Какшаным оролаш тӱҥалеш

Фотом www.bolshoyvopros.ru сайт гыч налме.

17 мартыште Изи какшан сер воктене  «Серая шейка» йомакысе лудылан скульптурым шогалтат. Тудо  17 сантиметр кӱкшытан,  28 см  кужытан да  6,3 килограмм нелытан лиеш. Лудым Йошкар-Оласе илыше-влаклан  Марина ден Владимир Ельцовмыт пӧлеклат.

Скульптурым эҥерын шола могырышкыжо  Эшкинина уремысе 8а №-ан пӧрт  воктене шындат. Тиде Гоголь кӱвар деч 100 метр наре тораште лиеш.