Южгунам пашам темлыше пашадарын ужашыжым конвертеш тӱла. Тидым сур пашадар маныт. Молан тудо пашам ыштыше еҥлан пайдале огыл?
Тидым Объясняем.рф сайт умылтара.
Сур пашадарын палыже:
трудовой договорышто окладын кугытшым возымо огыл але тудо чын пашадарын кугытшо деч изирак;
пашадарын ик ужашыжым наличный окса дене пуат але картыш посна колтат;
пенсионный взнос официальный пашадар дене келшен ок тол (выпискым Госуслуги порталыште заказатлаш лиеш).
Сур пашадар пашаеҥлан молан пайдале огыл?
Пашадарым, отпускнойым, мӱшкыраҥме да йочам ончымо шотышто пособийым, сокращений деч вара компенсацийым тӱрыснек тӱлат манын, нимогай гарантий уке;
сур пашадар гыч пенсийыш отчислений огеш кай, садлан ончыкыжым пенсий изирак лиеш;
налоговый вычетым (образованийлан, медуслугылан) тӱрыс налаш ок логал, вет тудымат официальный пашадарым ончен шотлат;
банк кредитым пуаш тореш лийын кертеш, вет сур пашадарым документ дене пеҥгыдемдаш огеш лий;
южо эл визым пуаш тореш лийын кертеш.
Пашам темлыше, тыгай схеме дене пайдаланен, налогым тӱлымӧ деч шылеш. РФ Паша кодексын 129-ше статьяж почеш пашадар, надбавке да премий гычат налог кучалтшаш. Пашадарын иктаж ужашыжымат конвертеш пуымо закондымылан шотлалтеш. Тыгай годым лач пашам темлыше титакан, а пашаеҥ огыл – тидым РФ Налог кодексын 226-шо статьяштыже возымо.