Ненец АО-со Этнокультур рӱдерын мастерскойыштыжо «Паской ной паны» («Мотор сукна ужга») проект почеш пашам тӱҥалме.
Тушто кидмастар С.Попован вуйлатымыж почеш округысо тӱрлӧ тундрышто илыше ӱдырамаш-влакын ужгаштым (рушлаже паница маныт) ургаш тӱҥалыт. Кызытсе жапыште ты вургем модыш пурен, тудым сӧраллан да йӧнанлан шотлат. Ты проектыш ушнаш участник-влак оксам огыт тӱлӧ, этнокультур рӱдер занятийлан чыла йӧным ыштен. Паша-влакым 2025 ий июньышто ончерыште чумырат.
Фото: Алексей Орлов/НАО24