У тунемме идалык вашеш суд пашеаҥ-влакын икшывышт Марий Элысе Правосудий тоштерын миен коштыныт.
Нунылан республикысе Кӱшыл Судын судьяже да тоштерым вуйлатышыже Анатолий Иваков экскурсийым эртарен. Анатолий Викторович тоштерын ышталтме историйжым, судышто ыштыше еҥ-влак нерген каласкален. Кажне йочалан тоштер нерген буклетым кучыктеныт.
Республикысе Верховный судын сайтше гыч налме фото.