26 апрельыште кажне еҥ Всероссийский субботникыш ушнен кертеш 
Кудывечым, парк ден скверым эрыкташ, теҥгыл ден пече-шамычым чиялташ палемдалтын.
Субботник «Формирование комфортной городской среды» федерал проект кышкарыште тӱзатыме кумдыклаште эрташ тӱҥалеш. Тудо кызыт «Инфраструктура для жизни» национальный проектын составыштыже илышыш шыҥдаралтеш. Марий Элыште 87 тыгай кумдыкым палемдыме.
Ушештарена: тӱзатыме объект-влак верч йӱклымаш zagorodsreda.gosuslugi.ru. платформышто умбакыже шуйна. Йӱклымӧ шотышто тыгак волонтёр-влак полшат.
Республикысе чыла еҥым субботникыш да йӱклымашке чолган ушнаш ӱжына. Пырля ме Марий Элым эшеат яндарым да илышлан йӧнлыракым ыштена!