2004 ий 17 февральым кызытсе студотрядым «ылыжтыме» кечылан шотлат. Тунам Москосо кугыжаныг Кремльыште ты толкынлан 45 ий теммылан пӧлеклалтше Российысе студентотряд-влакын икымше форумышт эртаралтын. Форум годым «Российысе студент отряд» мер толкыным ыштеныт.
РФ Президент В.Путинын 2015 ий 21 февральысе указше почеш 17 февраль Российысе студотряд-влакын кечышт семын палемдалтеш.
Студотряд-влакын пашам ыштыме аланышт кумда. Нуно чоҥымо, проводник, сервисный, педагогический отрядлаште тыршат. Республикысе объектлаште 40 утла отряд пашам ышта, тылеч посна 1000 утла еҥ Марий кундем деч ӧрдыжтӧ тырша.
2020 ий кеҥежым ятыр студотряд пашам ыштен. Мутлан, Краснодар кундемыште, Крым да Марий Эл Республиклаште «Милосердие» да «Ералаш» педагогический отряд-влак.
2020-2021 ийлаште теле жапыште регионысо студотряд-влак Крым Республикысе «Ялта Интурист» регион-влак кокласе проектыш ушненыт. Тушко 29 еҥ миен коштын.
Студотряд-влак кечын, 17 февральыште, Йошкар-Оласе Самырык-влакын полатыштышт студент-влаклан онлайн-трансляций эртаралтын. Тушто активист-влак шке пашашт дене палдареныт.
Интернет гыч налме фото.