Марий Элым Вуйлатыше Ю.Зайцев студентке-влаклан 100 тӱжем теҥгем ик гана тӱлымӧ нерген пунчалым подписатлен.
Тыге самырык ава-влаклан полшаш палемдыме. Тидыже «Семья» нацпроект почеш шукталтеш.
Ты окса профессиональный але кӱшыл шинчымашым налше, очно тунемше-влаклан пуалтеш. Тыгак академический отпускышто улшо-влакат налын кертыт. Документым Госуслуго портал гоч ышташ, МФЦ-ш але собесыш мияш лиеш.
Йочам вучышо-влак ӱдырамаш консультацийын учётышкыжо 12 арня гыч куд тылзе марте шогалшаш улыт.