Российысе УФСИН-ын республикысе управленийжын кадр пӧлкажын пашаеҥже-влак Йошкар-Оласе кугыжаныш да муниципал службо колледжын студентше-влак дене вашлийын мутланеныт.
Студент-влаклан буклетым пуэденыт, кузе УФСИН-ын пашаеҥже лияш, нунылан могай социальный гарантий ойыралтме нерген каласкаленыт. Тунемше-влак УФСИН вузлашке тунемаш пурымо шотышто пален налыныт. Кызыт Марий Эл гыч 30 еҥ тыгай вузышто (Рязань, Псков, Самара, Владимир да Пермь олалаште) тунемеш.