Россий вузласе студент-влак кеҥеж каникул жапыште элна мучко ончен коштын да вес вуз-влакын тӱшкагудыштышт илен кертыт.
Тыгай йӧн Россий образований да науко министерствын лӱмын ямдылыме программыжлан кӧра ышталтын. Студент-влак шке кӱшеш, тыгак шке вузысо организоватлыме тӱшка дене пырля 15 июль гыч 25 август марте Российысе регионлаш кудалышт кертыт. Тусо вуз-влакын кампусышт ден тӱшкагудылаштышт илымылан оксам пеш шагал тӱлыман: суткалан (кокла шот дене) – 35-100 теҥгем, эн шергыже – 400 теҥгем. Кочкаш пукшат гын, ак 250 гыч 550 теҥге марте шуын кертеш.
Вуз-влакын спискыштым да тичмаш уверым студтуризм.рф сайтыште муын кертыда.