Студент кече вашеш Республикысе Самырык-влакын политикышт, спорт да туризм министерстве студент ден ончыкылык студент-влакым «Тазалык кече» акцийыш ушнаш ӱжеш.
Самырык-влак 23 январьыште Йошкар-Оласе ий полатыш да кум бассейныш студенческий билет дене оксам тӱлыде пурен кертыт.
Адрес-влак:
«Йошкар-Ола» вӱд полат (К.Маркс урем, 103) 8.00 гыч 21.00 шагат марте.
Вӱд спорт полат (К.Маркс урем, 107А) 06.00 гыч 21.00 шагат марте.
«Дельфин» бассейн (Ленин проспект, 59В) 08.00 гыч 20.00 шагат марте.
«Дружба» стадионысо Ий полат (Машиностроитель урем, 55) 06.00 гыч 21.00 шагат марте.