Йошкар-Ола гыч Мария Айтова ик федеральный конкурсышто сеҥымыж деч вара «Смешарики» мультфильмым ыштыше-влак дене стажировкым эртен.
Тиде тунемшын сӱретшым МТС-ын «Поколение М» проектыштыже кӱкшын аклыме. Пӧлек шотеш ӱдырлан «Петербург» компьютер анимаций студийыш миен кошташ йӧным пуымо.
Мария сӱретче-аниматор-влакын пашашт дене палыме лийын, персонаж-влакым экраныште кузе тарватымым да йӱкаҥдымым ужын.