Физкультурникын кечыжым палемдыме деч ончыч Марий Элым Вуйлатыше Ю.Зайцев спортсмен да тренер-влак дене Правительстве пӧртыштӧ вашлийын. Тудо спортсмен-влакым чаплӱм дене палемден да награде-влакым кучыктен.
Регион Вуйлатыше палемден, ты пайрем таза илыш-йӱлам, спорт дене кылым кучышо миллион дене еҥ-влакым уша. Марий Элын чапшым спортышто кӱкшын ончыктышо спортсмен-влаклан тауштен. Ончыкыжымат сай лектышым ончыкташ, шонымашке шуаш тыланен. Кугыжаныш могырым нунылан полшаш ямде улмыжым ойлен.
2024 ий гыч спортсмен-влак «Сосновый бор» санаторийыште реабилитацийым эрташ тӱҥалыт. Спортышто сай результатым ончыктышо спортсмен-влаклан выплатым тӱлат, тудын кугытшо 2024 ий гыч тыгак эшеат кугурак лийшаш.