Марий Элым Вуйлатыше Ю.Зайцев практический лӱйкалымаш дене Российын первенствыштыже да чемпионатыштыже сеҥыше-влак дене вашлийын.
Самырыкше годым Ю.Зайцев спортын тиде видше дене заниматлен. Сандене самырык-влак дене тудо тренировкым кузе организоватлыме шотышто да ончыкылык планыштым каҥашен. Спортсмен-влак таҥасымашла нерген да шонымашыштым ойленыт.
Первенстве ден чемпионат 25-27 августышто Иркутскышто лийын. 200 еҥ участвоватлен. А Марий Элын командыже общий зачётышто икымше верым налын.