Спорт полат ямде мо?

 «Демографий» нацпроектын «Спорт – норма жизни» проектше дене Волжск олаште Спорт полатым ачалыме пашам тергеныт. Тудо сентябрь кыдаллан 83 процентлан ямде лийын.

Полатым ачалаш 38 млн утла теҥге ойыралтын. Кызытеш модмо залыште пырдыж ден туврашым чиялтыме, кучедалме залым уэмдыме. Моло пӧлемым теле марте тӧрлышаш улыт.

Фотом РМЭ-м Вуйлатышын пресс-службыж гыч налме.