Медведево район Руэм посёлкышто 28 июльышто Спорт да тазалык кече эртен.
Мероприятийым патриотизм шӱлышан муро концерт дене почмо. Тылеч вара канатым шупшмаште, мешак дене вашла лупшкедымаште, армрестлингыште кажне кумылан еҥ шкенжым терген кертын. Ты кечын спортсмен-влак коклаште бокс да дзюдо дене таҥасымаш-влак лийыныт. Тушто Марий Элысе спортшколла да Угарман кундем гыч толшо спортсмен-влак вийыштым тергеныт.
Медведево районысо «Вести» газетын сайтше гыч налме фото.