Марий Элыште «Демографий» нацпроектын «Содействие занятости» федерал проект дене 678 еҥ шинчымашым пога. Проектын участникше-влак ешартыш але икымше образованийым налыт.
Нуно кызытсе жаплан кӱлешан специалист лияш ямдылалтыт. Мутлан, фитнес тренер, педагог-организатор, повар, кондитер, парикмахер, бухгалтер да молат.
Шинчымашым кум тунемме верыште налаш лиеш: Марий радиомеханический техникумышто, Марий кугыжаныш университетыште да РФ Президент пелен калык хозяйство да кугыжаныш службо Российысе академийын Чебоксар оласе филиалыштыже.
Программын участникше лияш манын, «Работа в России» единый цифровой платформышто личный кабинет гоч йодмашым кодыман.