Марий Элым Вуйлатыше Ю.Зайцев РФ Правительстве Председательын алмаштышыже Т.Голикован вуйлатымыж почеш эртаралтше Межведомственный паша группын заседанийыштыже лийын.
Участник-влак экономикыште да моло вереат паша вер шотышто кызытсе ситуацийым радамленыт. Марий Элыште икмыняр кугу предприятий профессионал-влакым ямдылаш тӱҥалын, вет производствышто квалификациян еҥ-влак огыт сите. Ик тыгай предприятийже – Марий машиностроительный завод.
«ММЗ» АО – стратегический организаций; тудо Россий Минпромторг ОПК-н организацийже-влак реестрыш пура да республикысе системообразующий предприятий коклаш пурталтын. Завод кундемнам социально-экономически вияҥдыме шотышто кугу надырым ышта. А специалист-влакым ямдылымаш ОПК ончылно шогышо задачылам шукташ да предприятийым тӱзаташ полша.