Спартакиадыш толыт

 

27 сентябрь гыч 2 октябрь марте удан ужшо да сокыр инвалид йоча-влакын «Республика Спорт» Российысе кеҥежымсе спартакиадышт Йошкар-Олаште эртаралтеш.

Тышке 7-17 ияш 500 спортсмен толеш. Марий Элын командышкыже 28 спортсмен ден вич тренерым пуртымо. Командым Сокыр-влакын спорт федерацийыштын Марий Элысе председательже С.Аппаков вуйлата.

Таҥасымашым 127 судья акла. 250 волонтёр полша. Спортсмен-влак иймаш, куштылго атлетике, мини-футбол, шахмат, шашке, голбол, дзюдо дене таҥасат.