14 апрельыште Йошкар-Оласе «Арена Марий Эл» манежыште тунемше-влак коклаште «Белый мишка – 2022» республикысе тазалык спартакиаде эртен.
Тушко кундемна гыч «Единый Россий» партийын «Детский спорт» проектышкыже ушнышо школла гыч миеныт. 8-9-ше класслаште тунемше-влакын 11 командышт чумырген. ГТО дене нормативым шуктымо, мини-футбол, шашке дене модмо, эстафете лийын. Икымше верым Советский районысо Алексеевский школ налын.