Марий букварьын авторжо, марий просветитель Г.Яковлевым шарныме лӱмеш (колымыжлан таче 110 ий) Морко район Арын селаште пайрем-погынымаш эртаралтын. Уна-влак «Сотемдарче Гавриил Яковлевын кышаже почеш» йыргешке ӱстел йыр погыненыт, МарНИИ-н пашаеҥже, историк-влак докладым ыштеныт, Арын школын тунемшыже-влак сотемдарчын илыш корныж нерген каласкаленыт, почеламутым лудыныт. Вара чылаштым изирак концерт вучен.