«Шарнымаш сорта» акцийыш деньпамяти.рф сайт гоч ушнаш да шке сортам чӱкташ лиеш. Тидлан «зажечь свечу» возымым гына темдалаш кӱлеш.
Палемдыме платформыштак Кугу Ачамланде сар нерген кумданрак пален налаш лиеш. Тыште сарым шке шинча дене ужшо еҥ-влакын шарнымашыштым, ветеран-влакын видеоисторийыштым лудаш да ончаш сай йӧн уло.
«Кугарня» газетат сортам чӱктен. Тудо 442571-ше лие.