Соловьёвмыт, ончыко!

Марий Элыште «Успешная семья Приволжья» конкурсын республикысе этапше мучашлалтын.

Финалыште еш-влак шкеныштым видеовизитке дене палдареныт, йодыш-шамычлан вашештеныт, шке кундемышт нерген каласкаленыт да творческий номерым ончыктеныт.

Ончышо-влакын призыштым Юрино район гыч Александровмыт налыныт. Кумшо верыш Марий Турек район гыч Скулкинмыт лектыныт, кокымшыш – Килемар район гыч Кропиновмыт. Икымше вер дене Йошкар-Ола гыч Соловьёвмытым палемдыме. Нуно ынде 8 июльышто Юл кундемын тыгай конкурсыштыжо (Чебоксарыште лиеш) выступатлат.