Геосеткым вераҥдаш гын, кушкыл-влак верч азапланаш амал огеш лий. Тудын полипропилен гыч ыштыме решотка-полотнаже кушкылым тӱрлӧ янлык деч арален сеҥа. Тудо утыжым неле огыл, лопкытшо кок метрыш шуэш, кужытшым мыняр кӱлеш, тунар келыштараш лиеш. Тӱрлӧ пакчасаска, пеледыш, пушеҥге кушмо верыш шараш келшен толеш.
Вибраций йӱк мландейымалне янлыкым тӱрлӧ частотан йӱк дене лӱдыкташ полша. Тудым кевытыште налаш лиеш. Кече деч зарядкым налше приборымат ужалат. Пакчаште мыняр приборым шындаш кӱлмым пакча кумдыкым шотлен налмеке пален налаш лиеш.
Лӧдышыш (ловушка) тыгак ятыр сокырголям кучаш лиеш. Но тудо ик янлыкым веле кучаш келыштаралтын. Сокырголя логалмеке, тудым тушеч кид дене кораҥдыман.