Сурт кокласе сомылкам ыштыме годым содо пайдале лийын кертеш.
Ковёр мучко содым шавыза, вара тудым пылесос дене поген налза. Тыге ковёр волгыдырак тӱсан лиеш.
Ночкырак губкыш ик изи совла содым пыштыза да ош кроссовко але кеде пундашым ӱштса.
Ӱян салмам мушкаш манын, вӱд ден содым, икнаре налын, сайын варыза. Ты вартышым салмаш йыгыза, вара шокшо вӱд дене мушкын колтыза.