2022 ий 1 апрель гыч пенсийым, пособийым да социальный выплатым банк картыш колтымо шотышто правилыш вашталтыш пурталтын. Тидын нерген Марий Эл Республикысе прокурорын полышкалышыже Ольга Лаптева умылтара:
– Еҥ-влаклан социальный полышым налашышт куштылгырак лийже манын, информационный системыш нунын банк картыштын реквизитыштым пуымо радамым пеҥгыдемдыме. Ынде клиентын келшымыж почеш банк ЕСИА системыш (Единый идентификаций да аутентификаций системе, операторжо – РФ Минцифре) тудын банк картшын реквизитшым пуа.
Ты системыш Госуслуго портал гочат лекташ лиеш. Тыге еҥ-влак кӱлешан социальный выплатым налаш манын, нигушко коштде, картыштын реквизитшым кучылташ келшымашыштым пуэн кертыт.