9 февральыште Марий Элым Вуйлатыше Ю.Зайцев республикысе Паша да социальный аралыме министерствын коллегийыштыже лийын.
Тушто 2023 ийыште социальный полышым пуымо пашам иктешлыме. Министр М.Островскаян мутшо почеш, кодшо ийын социальный службо-влак ийготыш шудымо-влакын опекышт шотышто у полномочийым шукташ тӱҥалыныт, тыгак паша да паша верым пуымаш блок-влакым ушымо. Чылаже республикыште 55 тӱрлӧ социальный полыш пуалтын. Нуным 280 еҥ налын.
Марий Элым Вуйлатышын пунчалже почеш кугыжаныш бюджетный тӧнежлаште пашам ыштыше-влакын окладыштым 25 процентлан кугемдыме. Социальный тӧнежлаште транспортым уэмдаш 50 млн теҥгем ойырымо.
«Демография» нацпроектын «Финансовая поддержка семей при рождении детей» региональный проектше сайын шукталтеш. Туддене 5580 еш пайдаланен. «Старшее поколение» федеральный проект почеш Йошкар-Олаште илалше ден инвалид-влаклан «Сосновая роща» интернат-пӧрт ачалалтеш.
Пашан ик кӱлешан направленийже — СВО участник-влакын ешыштлан полыш. Кодшо ийын 600 млн утла теҥгеаш полыш пуалтын. Тыгак Лнр, ДНР, Запорожский ден Херсонский областьлаште илыше да служитлыше-шамычлан гуманитарный полышым колтымо. Марий Элышке илаш куснышо-шамычланат полшымо.
Фото: Марий Элым Вуйлатышын пресс-службыжо.