Кодшо кечылаште Социальный пашаеҥын кечыж лӱмеш Я.Эшпай лӱмеш Марий кугыжаныш филармонийыште торжественный мероприятий лийын.
Ю.Зайцев палемден: социальный службо еҥ-влаклан полышым писын пуыжо манын, ӱмаште ты отрасльысе учрежденийын автопаркшым уэмдыме, материально-технический базыжат уэмдалтеш. Тений илалше да инвалид-влакын «Сосновая роща» интернат-пӧртыштым тӧрлен шуктымым шотышто поснак тергем.
Марий Элым Вуйлатышын мутшо почеш, кызыт ик эн тӱҥ направлений – специальный военный операцийыште улшо участник-влакын ешыштлан полшымаш.
Ю.Зайцев икмыняр еҥлан награде-влакым кучыктен.
Д.Речкин/ Марий Элым Вуйлатышын пресс-службыжын фотожо.