Юлтехын студентше ден выпускникше-влакын «НВПМЧ» командышт («КВН Марий Эл» толкын лӱм дене) Сочи олаште «КиВиН-2026» КВН команде-влакын 37-ше тӱнямбал фестивальыштышт лийын.
Тений фестивальыш ушнаш 615 команде (5 000 наре еҥ) регистрацийым эртен.
Тӱҥ ужаш деч посна участник-шамычлан туныктымо, каныме программым ямдыленыт: шахмат да теннис дене турнир-влак, футбол чемпионат, уш-акылым тергыме модмаш, мурымо вечеринке да молат.