Снеге лышташыште пайдале вещества саскасе дечат шукырак манын шонат. Снеге лышташ иммунитетым пеҥгыдемдаш полша, уто вӱдым, шинчалым организм гыч луктеш. Йыжыҥ пуалмым пытараш да корштымым луштараш полша. Шӱмын, щитовидный тун пашаштым саемда, кугу давленийым нормыш конда. Пагар да шоло чер годым пайдале.
Лемым ямдылаш манын, ик кугу совла коштымо лышташ ӱмбак ик стакан шокшо вӱдым темыман, 15 минут шинчыктыман. Шӱрымеке, пел стакан дене кечеш кок гана йӱман.
Снеге лышташан вартыш дене умша кӧргым шӱалташ сай, тыге пӱй ошемеш, кариес деч арала, пӱйыштӧ кӱым пытара да «лавырам» кораҥда.
Свежа снеге сок экземым эмла. Сокым пунчал налман да сусыр верыш йыгыман. Сокеш нӧртымӧ салфеткым сусыреш йӱдлан кодаш лиеш.
Шокшо вӱдыштӧ кийыктыме лышташым кужун парем кертдыме сусырыш пышташ шотлан толеш.
Иммунитетым пеҥгы-демдаш, ятыр чер деч аралалташ манын, снеге чайым профилактике семын йӱаш темлат.
Кажне эрдене ужар чайыш кок совла снегым пыштен йӱаш гын, организм уто вӱд деч утла да пуалме (отёк) эрта.