Россий МВД-н Звенигово районысо отделышкыже Звенигово олаште илыше 50 ияш пӧръеҥ йодмашым возен. Тудын палдарымыж почеш, увертарымаш-влак сайтыште снегокатым ужалыме нерген уверым ужын. Ужалыше дене кылым ыштен да сатум налме нерген кутырен келшен. Ужалыше тудлан товарный чекым да трек номерым колтен. Тылеч вара пӧръеҥ сатулан 94 тӱжем теҥгем колтен. Трек номер дене тергымеке пале лийын: сату йӧршеш вес направлений дене каен, а ужалыше вашештымым чарнен.
Марий Элыште интернет гоч сатум налаш шонышо эше ныл еҥ тыгаяк схеме дене чылаже 580 тӱжем теҥгелан ондалалтын. Ты факт-шамыч шотышто уголовный паша-влакым тарватыме.
Интернет гыч налме фото.