Медведево район Силикатный посёлкышто мланде пашам ыштыме годым боеприпас гай койшо настам муыныт. Тиде уверым Росгвардийын Марий Элысе управленийжын «Таир» ОМОН разминироватлыше группылан колтеныт.
Специалист-влак, верым да мумо арверым ончен, иктешлымашым ыштеныт: 120 мм рӱдаҥше снаряд пудештше вещества деч посна, тудо еҥ-влаклан лӱдыкшым ок ыште. Снарядым полицийыш колтеныт.
Фотом Росгвардийын республикысе пӧлкажын сайтше гыч налме.