21 сентябрьыште Российын Президентше В.Путин частичный мобилизаций нерген увертарен. Ты кече гыч элыштына мобилизационный мероприятий-влак тӱҥалме нерген ойлен.
Обороно министр С.Шойгун мутшо почеш, частичный мобилизаций дене 300 тӱжем еҥым служитлаш ӱжыт. Эн ончычак шапашыште улшо военнослужащий-влакым наҥгаят.
— Российысе 25 млн резервист кокла гыч улыжат 1 процент пӧръеҥ-влакым мобилизоватлат;
— студент, призывник-срочник да боевой опыт деч посна еҥ-влакым служитлаш огыт наҥггай;
— армийыште служитлыше, военно-учётный специальностян еҥ-влаклан повесткым пуат;
— эн ончычак 35 ияш марте салтак, сержант, старшина, 50 ий марте младший офицер, 55 ияш марте 2-шо да 3-шо ранган майор, подполковник, капитан, 60 ияш марте 1-ше ранган полковник ден капитан да 65 ияш марте высший офицер-влакым налыт;
— частичный мобилизаций годым вес резервист-влакын ешартыш правашт уке;
— тазалык шотышто «ограниченно годен» категориян еҥ-влакым огыт мобилизоватле;
— мобилизацийыш логалше-влакым военкоматыш повестке дене ӱжыктат.