Россий ФСИН-ын Марий Элысе управленийыштыже лу самырык офицер тыршаш тӱҥалын. Нунылан служебный удостоверенийым пайремлын кучыктеныт. Самырык лейтенант-влакым республикысе управленийын начальникше Максим Каминский саламлен.
Марий Элыште шочын-кушшо офицер-влак Рязаньысе, Вологдасе, Владимирысе, Самарысе ФСИН-ын кӱшыл тунемме тӧнежым пытареныт. Нуно оперативный паша, уголовно-исполнительный инспекций шотышто сомылым шуктышо специалист улыт. Службым Йошкар-Оласе следственный изоляторышто, 3-шо, 4-ше, 6-шо номеран исправительный колонийлаште, 7-ше номеран колоний-поселенийыште да уголовно-исполнительный инспекцийыште эрташ тӱҥалыт. У сомылым вораҥдараш полшымаште кажне пашаеҥ пелен наставникым шогалтыме.
Пашам официально тӱҥалме деч ончыч самырык офицер-влаклан управленийысе тоштерыште экскурсийым эртарыме, ведомствын историйже дене палдарыме, дисциплине дене палымым ыштыме.
Россий ФСИН-ын Марий Элысе управленийжын пресс-службыжын фотожо.