12-17 июльышто Псков областьысе Островский районышто туристический слёт эртаралтын. Тушто Российысе 28 команде да Беларусь Республике гыч 7 команде таҥасеныт.
Марий Эл гыч Йошкар-Оласе йоча да самырык-влакын «Азимут» рӱдерышкышт коштшо ӱдыр-рвезе-влак миен коштыныт.
Нуно чаракан полосам тӱшка дене эртымаште да туристический эстафетыште 2-шо верлам, пырдыжгазетым ыштымаште 4-ше верым да контрольно-туристский маршрутышто 5-ше верым налыныт.