Марий Турек район Якын почиҥгаште школ лесничестве-влакын слётышт да туристско-краеведческий слёт лийыныт.
Тушко районысо куд школ гыч 70 утла тунемше миен. Чодыра иланен: йоча-влакын йӱкышт ден весела сем шоктеныт, палатке-влакым шогалтылме, тулотышто кӱктымӧ кочкыш пушланен. Самырык турист-влак команде дене шке вийыштым тӱрлӧ маршрутышто тергеныт. Икымше верыш Тат-Китне школын командыже лектын, кокымшыш да кумшыш – Марий Турек школын кок командыже.