Проект
Марий Элысе да Юл кундем федеральный округысо медицинский ден фармацевтический тунемме верла коклаште «Здоровыми быть здорово» проект-конкурс-влакым иктешлыме.
Республикыштына ты таҥасымаште Олимпийский резерв училищын 2-шо студенткыже Василина Грищук сеҥен. Тудо «Сивка-Бурка» тазалыкым шукемдаш полша» лӱман спорт да тазалыкым пеҥгыдемдыме площадкым ышташ темлен. Кокымшо верым Марий радиомеханический техникумын студентше Иван Смышляев ден Йошкар-Оласе медколледжын тӱшкаже налыныт. Кумшо верыш медколледжын студентше Данил Тюлькин «Здоровое питание» проектше дене лектын.
Юл кундем федеральный округысо конкурсышто Йошкар-Оласе медколледжын кум проектше сеҥен.